Zyrtare, dy vellezërit Markez në skuadrën Honda

Piloti spanjoll Aleks Markez do të garojë me motorin Honda vitin 2020 në Botërorin e Moto GP. Ai do të zërë vendin e spanjollit tjetër, Horhe Lorenzo, që pak ditë më parë deklaroi se do të tërhiqet përfundimisht nga garat. Aleks Markez, 23 vjeç, do të garojë kështu në të njëjtën skuadër me të vëllanë, Mark Markez, kampion bote në këtë kategori. Kjo është hera e parë që dy vëllezër garojnë me të njëjtin motor në Moto GP. Aleks Markez këtë sezon, u shpall kampion bote në kategorinë Moto 2 dhe ka nënshkruar një kontratë 1-vjeçare me motorin japonez.