Ka ndërruar jetë bilbili i muzikës Nexhmije Pagarusha. Nexhmije Pagarusha ikona e muzikës shqipe, ishte e njohur si një grua e cila gjatë gjithë karrierës së saj i ka shërbyer me nder dhe dashuri atdheut të saj përmes artit.

Pagarusha ka ndërruar jetë në moshën 86- vjeçare, pasi vuante nga një sëmundje e rëndë.

Nexhmie Pagarusha ka përfunduar shkollën e muzikës në Beograd, dhe gjatë gjithë karrierës së saj artistike ka performuar në koncerte në vende të ndryshme të botës, duke e bërë kështu Kosovën të njohur kudo që ka hedhur hap.

Kush ishte Nexhmije Pagarusha, që dridhi zemrat e të gjithëve me Bareshën?

Nexhmije Pagarusha njihet si një grua e cila gjatë gjithë karrierës së saj i ka shërbyer me nder dhe dashuri atdheut të saj përmes artit.

Kënga më e njohur e saj është ”Baresha”, të cilën e ka kompozuar burri i saj Rexho Mulliqi.

Në vitet e rinisë Nexhmije Pagarusha ka kënduar vepra të përkthyera nga Bethoven, Verdit e shumë emra të mëdhenj.

Ajo konsiderohet si një grua shumë e saktë. Gjatë kohës sa ishte nëpër turne nuk është vonuar kurrë, madje as në prova nuk vonohej asnjëherë.
Nexhmije Pagarusha gjatë gjithë karrierës së saj ka kënduar mbi 150 këngë.

Bilbili i këngës shqipe është krahasuar me yjet më të mëdha botërore, sa sa ishte në shkollë në Beograd, madje atë e kanë krahasuar me zërin e rrallë francez Zhyliet Greko.

Poashtu profesorët e shkollës së muzikës kanë thënë se ”është ofendim ta krahasojmë Nexhmije Pagarushën me ndonjë emër tjetër, sepse zëri i saj është i rrallë”.

Përveç muzikës ajo ka qenë edhe aktore. Ka luajtur në shumë filma dhe është cilësuar nga regjisorët si një aktore e përkryer.

Ajo mbajti koncerte në vende të ndryshme të botës, si në Irazel, Bullgari, Bosnjë dhe Hercegovinë, dhe në Kosovë e Shqipëri pa dyshim.
Mbretëreshën e muzikës shqiptare, Nexhmije Pagarusha, në 2018- të, e pati dekoruar me medaljen e “Mirënjohjes”, edhe Presidenti i amerikan Donald Trump.

Çmimi i mirënjohjes iu akordua këngëtares Pagarusha përmes propozimit të një Akademie në Florida, i cili është çmim periodik vjetor që firmoset nga Presidenti amerikan për Personalitete që kanë impakt mbi njerëzit dhe shoqëritë e tyre, konkretisht në fushën e artit.

Në ceremoninë e organizuar për 85 vjetorin e artistes së madhe shqiptare në Akademinë e Arteve në Tiranë, nga Shoqata RessEgnatia dhe Unioni i Gazetarëve Shqiptarë, ishin të pranishëm Presidenti Ilir Meta, personalitete të fushave të ndryshme nga Shqipëria dhe Kosova, familjarë, miq, artistë dhe artdashës.

Loading...

Shpërndaj me

Loading...