Tel-Avivi u përzgjodh qyteti mikëpritës i ”Eurovision 2019” në mesin e kandidaturave po aq të rëndësishme në garë si Jeruzalemi dhe Eilati, njoftoi sot Bashkimi Europian i Radio-Televizionit (UER) i cili u shpreh se pret të marrë ”këtë javë” garanci në lidhje me karakterin ”jopolitik” të kompeticionit muzikor

”Tel-Avivi paraqiti një ofertë shumë kreative dhe bindëse në të gjitha fushat e kërkuara”, sqaroi UER-ja, organizatorja e ”Eurovision-it”.

Për Tel-Avivin kjo është hera e parë që mirëpret konkursin e këngës ”Eurovision”.

Datat e konkursit janë bërë tashmë të ditura.

Gjysmëfinalet do të mbahen më 14 dhe 16 maj dhe finalja e madhe më 18 maj.

Jon Ola Sand, drejtori ekzekutiv i ”Eurovision” u shpreh në një komunikatë për shtyp se të gjitha ofertat ishin të veçanta, por në fund vendosën që Tel-Avivi do të ofronte performancën më të mirë të mundshme për kompeticionin më të madh muzikor në një transmetim të drejtëpërdrejtë në të gjithë botën.

Shpërndaj me

WP Facebook Auto Publish Powered By : XYZScripts.com