Barcelona edhe këtë sezon dështoi ta fitonte Ligën e Kampionëve.

Në vitin e tij të dytë te Barcelona, Ernesto Valverde nuk ka arritur ta kthejë në Camp Nou trofeun e Ligës së Kampionëve.

Madje ashtu si edhe një sezon më parë edhe në këtë të tanishmin, Barcelona eliminohet ndonëse në ndeshjet e para kishte fituar me tre gola epërsi. Vjet i eliminoi Roma, kurse këtë vit Liverpooli.

Por presidenti i Barçës, Josep Maria Bartomeu ka besim në punën që po bënë Valverde dhe ka konfirmuar që ai do të vazhdojë të jetë trajner i katalanasve edhe sezonin tjetër.

“Valverde është trajneri që duam. Ka një kontratë me ne dhe jemi shumë të kënaqur me punën e tij”, tha Bartomeu.

“Ky është një projekt në terma afat-mesëm dhe afat-gjatë, ndaj planifikimi i sezonit të ardhshëm ka filluar prej disa kohësh”.

Barcelona ka fituar edhe këtë sezon La Ligën dhe do të luajë në finale të Kupës së Mbretit, përballë Valencias.

Loading...

Shpërndaj me

Loading...