Pajisja sportive në doganë, futbollistët mbeten pa stërvitje!

Përfaqësuesja e Maqedonisë për moshat e reja , deri më 21 vjeç, nuk zhvilloi stërvitjen e planifikuar gjatë ditës së hënë, pasi që pajisja sportive e futbollistëve ka ngecur në doganën spanjolle. Nga Federata e Futbollit informojnë se bëhet fjalë për ndryshim të ligjeve në Spanjë, dhe se problem ende nuk është zgjedhur.

“Tërë pajisja sportive është në doganë, në momentin e arritjes në seroportin në Spanjë, gjatë ditës së hënë në orën 16.20 dhe ende nuk është liruar. Për këtë arsye Maqedonia U21 nuk zhvilloi stërvitjen në terminin e planifikuar , në orën 19.30. Nga Federata e Spanjës thonë se nuk janë në dijeni për ligjin e ri dhe deklaracionin me të cilin duhet të merret pajisja,” informojnë nga FFM.

Për këtë rast është njoftuar edhe delegati i ndeshjes dhe ambasada e Maqedonisë në Spanjë.