Ndërpritet qarkullimi për dy ditë në magjistralen Shkup-Prishtinë

Ministria e Punëve të Brendshme njofton se për shkak të punimeve ndërtimore në magjistralen Shkup-Prishtinë, më saktësisht në kalimin kufitar Hani i Elezit-Kaçanik, më datën 7 -8 dhjetor (nesër dhe pasnesër) qarkullimi rrugor do të ndërpritet në të dyja drejtimet, Kosovë-Maqedoni dhe anasjelltas. Regjimi i ndërprerjes do të jetë: më 7 dhjetor prej orës 9-12 dhe prej orës 14-17, më 8 dhjetor prej orës 7-17.