NATO-ja do të finalizojë sot përforcimin e mbrojtjes kundër kërcënimit nga raketat e reja ruse dhe do të rrisë investimet për të konservuar avantazhin teknologjik, njoftoi sot sekretari i saj i përgjithshëm, Jens Stoltenberg.

“Nuk dua t’i paraprijë vendimeve që do të merren nga ministrat e Mbrojtjes gjatë mbledhjes së tyre në selinë e Aleancës në Bruksel”, deklaroi ai gjatë një konference për shtyp.

“Por përgjigja ndaj sistemit të ri të raketave SSC8 të vendosura nga Rusia do të jetë mbrojtëse, e matur dhe e koordinuar”, përsëriti ai.

“Nuk bëhet fjalë që të vendosim raketa në Europë, as të fillojmë një garë armatimesh”, theksoi Stoltenberg.

Aleanca nxit Rusinë të shkatërrojë këto raketa të reja në gjendje të godasin Europën brenda pak minutash pasi janë lëshuar, që të respektojë detyrimet e vendosura nga traktati mbi armët bërthamore me rreze të mesme (INF) të arritur në vitin 1987 nga Moska dhe Uashingtoni.

Kjo marrëveshje dypalëshe i dha fund vendosjes së raketave në Europë.

Loading...

Shpërndaj me

Loading...