Сурферот Горан Јабланов од Словенија, кој беше пронајден жив откако исчезна во големото невреме, кое пред два дена го зафати Јадранот, проговори за речиси 26-часовната борба со брановите на отворено море.

„Сè ми помина низ глава. Прва работа што ми падна на памет е дали треба да ја оставам штицата за сурфање и да се обидам со пливање да стигнам до брегот“, изјави Јабланов (47) за кого проблемите почнале веднаш по влегувањето во морето.

За словенечката телевизија „Поп ТВ“ тој рече дека во неколку наврати мислел дека сè е готово и практично се простил од животот. Тој бил соочен со урагански ветрови, кои надминувале брзина од 100 километри на час, а брановите достигнале висина до три метри.

Чудото во кое малкумина веруваа се случи следното попладне. Сурферот што помина 26 часа на отворено море и помина 40 километри, морето го исфрли на плажа во Италија кај Трст. По еден ден во болницата, тој беше пуштен на домашно лекување.

Loading...

Shpërndaj me