Повлечени од продажба уметнички дела со потписот на Хитлер, биле фалсификат

Германска куќа за наддавање повлече од продажба 26 уметнички дела со потпис на Адолф Хитлер по сомнежите дека не се веродостојни. Пет слики со водени боички на продажба ќе излезат во сабота како што беше планирано од куќата за наддавање „Видлер“ во јужниот град Нуренбург.

Во среда, обвинителите запленија 63 уметнички дела од галериите на „Видлер“ кои го имаа потписот А. Х. или А. Хитлер, под сомнение дека истите не се негово дело. 26 од нив беа предвидени на лицитација да излезат во сабота. Инаку, обвинителството во Нуренбург покрена истрага против неидентификувани лица, под сомнение за фалсификување на документи и обид за измама.

Надлежните се очекува да извршат вештачење на делата за да се открие дали се оригинал или пак, фалсификат. Германската полиција минатиот месец заплени три дела претставени како дела на Хитлер, пред да излезат на наддавање во Берлин. Во 2015 година, на лицитација на делата на Хитлер се собраа околу 400 илјади евра.