Истражувачите тврдат дека ја пронашле најстарата пивара на светот со остатоци од пиво, старо 13.000 години.

Археолозите, во пештера, во близина на градот Хаифа, Израел, откриле локалитет за кој се смета дека е најстарото место за производство на алкохол, од пред 13 000 години.

“Ова е најстариот доказ за производство на алкохол за кој ние знаеме”, вели Дани Надел, еден од археолозите од Универзитетот во Хаифа.

Не е јасно кој вид на алкохол точно се произведувал таму во најголеми количини, бидејќи како што велат во шишињата за кои се мисли дека би требало да биде пиво е само некој вид на ферментирана каша.

“Вареле нешто што содржи голема количина на алкохол”, вели Надел, објаснувајќи дека своето мислење дека тоа е пиво го темели на ферментацијата на жито, што и денес е клучен процес во производството на пиво.

Пештерата исто така е користена за погребување на мртвите за време на натуфиската култура, (во која започнала употребата на диви житарки (како пченица, јачмен и овес) во пракса која со текот на времето еволуирала во вистинско земјоделство), што Надел и другите истражувачи го утврдиле при претходните ископувања.

Натуфиската култура започнала пред околу 15.000 години на просторите на денешни Израел, Палестина, Јордан, Либан и Сирија. Израелските истражувачи веруваат дека алкохолот можеби се произведувал како дел од некои нивни церемонии, што останува допрва да се докаже.

Извор: енаука.мк

Loading...

Shpërndaj me