Норвешкиот Нобелов Комитет одлучи Нобеловата награда за мир за 2019 година да му ја додели на етиопскиот премиер Абиј Ахмед Али…

Етиопскиот премиер е награден поради напорите да се постигне мир и за решавање на пограничниот судир со соседна Еритреја, се наведува во образложението на наградата. Тој беше избран од листата од околу 300 номинирани личности и организации и се сметаше за еден од фаворитите.

А, меѓу кандидатите беа и нашиот премиер Зоран Заев и екс-премиерот на Грција, Алексис Ципрас. Нив лани во декември ги номинираше поранешната добитничка на наградата од 2015 година, Тунижанката Уидед Бушамауи и тоа поради потпишувањето на Преспанскиот договор и затворањето на речиси тридеценискиот спор за името.

Таа дојде во Скопје и Атина, а Заев и Ципрас со задоволство ја прифатија номинацијата со тврдење дека договорот доведува до помирување меѓу Скопје и Атина и ги отвора перспективите меѓу двете земји. Инаку, имињата на нобеловите лауреати се објавуваат секогаш меѓу 7 и 14 октомври. Паричната награда за Нобеловата награда за мир за годинава изнесува околу еден милион долари. Свечената церемонија на доделувањето ќе се одржи на 10 декември во Осло, Норвешка.

Loading...

Shpërndaj me

Loading...