Дека патот до ѕвездите е навистина трнлив и непредвидлив сведочи и животниот пат на Фатиме Гаши (22), мис на Манчестер за 2018 година. Родена е во бегалски камп во Македонија, откако нејзините родители го напуштиле Косово поради воените конфликти пред нешто повеќе од 20 години. Имала само две години кога нејзините родители, заедно со уште 100-тина други бегалци од Косово заминале за Велика Британија. Тоа сѐ уште не било крај на проблемите за семејството Гаши.

Кога имала 8 години, Фатиме заради големо воспаление на кожата завршила на интензивна нега. Лекарите ги подготвувале нејзините родители за најлошото, но девојчето закрепнало. Сега е студент по медицина и планира да специјализира дерматологија. Во трката за најубава девојка на Манчестер се нашла сосема случајно, поттикната од нејзините родители кои ја советувале да најде малку забава по напорната испитна сесија.

Loading...

Shpërndaj me



Loading...