Извлечено телото пронајдено во авионот на Сала

Телото коешто неделава беше пронајдено во остатоците од авионот со кој се превезуваше фудбалерот Емилијано Сала, извадено е на површината. Сè уште нема податоци дали станува збор за офанзивецот на Кардиф или пак, тоа е телото на пилотот Дејвид Иботсон.

Се чекаат податоците од обдукцијата.

Леталото „Пајпер Малибу“, исчезна од радарот на 21 јануари во водите меѓу Англија и Франција. Во него покрај Аргентинецот Сала беше само уште пилотот Дејвид Ибетсон, кој го управуваше авионот на патот од Нант кон Велс. Инаку, Емилијано Сала, кој настапуваше за Нант доби богат договор од Кардиф Сити и беше пред трансферот на својата кариера.