Значителен пораст на болестите на органите за дишење

Секоја година сè повеќе се зголемува бројот на пациенти заболени од хронични болести на белите дробови. Еден од клучните фактори е високото ниво на загадување и концентрација на канцерогени честички во воздухот. Според податоците на Пулмолошката клиника во Скопје, од месец ноември, па се до март се забележува раст од 15% од пациентите заболени од оваа болест. Во овој период од годината, многу се чести респираторните инфекции, па голем број граѓани мора да бидат хоспитализирани.

Пулмолозите бараат од надлежните институции да инвестираат во нова опрема на клиниката.

Податоците од клиниките за пулмологија и алергологија во Скопје покажуваат дека за разлика од минатите години, од 2014-ттата, па се до 2017 година, бројот на заболени од хронични болести на белите дробови се зголемил за околу 400.

Мерните станици на Министерството за животна средина регистрираа висок степен на загадување на воздухот и денеска. Опасните честичките ПМ10 и ПМ 2,5 во најголема концентрација беа забележани во Тетово, Кичево, Битола, Карпош и кај Универзитетот Свети Кирил и Методиј во Скопје.

Вјолца Алити