На вонредната седница на Советот на министри на Албанија, премиерот Еди Рама рече дека е отворена истрага за 60 компании од Драч за изградба на објекти надвор од сите стандарди. Седницата дојде после разорниот земјотрес на 26 ноември во кој загинаа 51 лице и има илјадници повредени и многу урнати и оштетени објекти. Рама рече дека освен истражните групи, на терен се и сите полициски оддели.

„60 компании од Драч се регистрирани од полицијата, а има 12 подготвени соодветни истраги за компании кои се поврзуваат со градењето, апелирам до другите да дојдат ако сакаат да се исперат во овој процес. Истрагата продолжува. Во истражната група се 30 лица од полицијата за криминал заедно со обвинители кои прибираат документи“-изјави Еди Рама, премиер на Албанија.

Тој упати јавен повик дека за реновирање е потребна работна сила од надвор. Рама рече дека треба да бидат ангажирани илјадници луѓе за процесот на реновирање да не трае многу долго. Премиерот Рама информираше дека на собраниска седница ќе се усвојат законски измени за работен однос со цел да се овозможи во Албанија работна сила да дојде од надвор. После земјотресот на 26 ноември, Обвинителството во Драч почна истрага за да ги изнесе пред лицето на правдата сите одговорни. На групата на истражителите не им бил доставен записникот на инженерите од општина Драч со кој биле утврдени штетите. Инспекторите наишле на проблеми и поради фактот што многу градежни компании кои изградиле неколку објекти, сега веќе не постојат. Тие соопштуваат дека се земени примероци од сите објекти каде се утврдени оштетувања и истите се испратени во лабораторија за анализирање на квалитетот на бетонот кој бил употребен. До четврток, според специјалистите, било одлучено да бидат урнати 70 објекти кои имале сериозни оштетувања во самата градежна структура.

Аднан Ќаили

Loading...

Shpërndaj me

Loading...