Премиерот на Република Македонија, Зоран Заев, пред своето обраќање на конференцијата NATO ENGAGES во рамки на Самитот во Брисел на фејсбук го изрази своето задоволство од добиената покана за претпристапни преговори за членство во НАТО.

„Радувај се Македонијо! Портите за нашето полноправно членство во НАТО се отворени. Попладнево, земјите членки на НАТО одлучија да ни упатат покана Република Македонија да го започне пристапниот процес за членство во Алијансата. Нашите партнери и пријатели денеска ни оддадоа признание. Препознаена е силната посветеност, исполнети се сите критериуми. Денес е голем, историски ден, за Република Македонија. Ветувам дека ќе донесеме уште добри вести и во периодот пред нас, во интерес на сите граѓани на нашата земја“, напиша Заев на Фејсбук.

 

Shpërndaj me