Дендиас: Подобрување на односите со северниот сосед, но без толеранција за одредбите во Преспанскиот договор

Во своето обраќање во парламентот во Атина, шефот на грчката дипломатија, Никос Дендиас, рече дека владата ќе сетори сѐ што е во нејзина моќ за да ги намали, како што кажа, негативните последици од Преспанскиот договор, предупредувајќи дека нема да толерира непотполно спроведување на неговите одредби, пренесува грчката агенција, АНА-МПА.

„Нашата позиција е позната, ја изразивме и како опозиција. Договорот требаше да се заврши на покорисен начин за нашите национални интереси. Нашата цел е да сториме сé што е можно за да се намалат негативните последици. Ќе се стремиме кон продлабочување на односите со нашиот северен сосед во рамките на взаемно корисна соработка. Но, нема да толерираме феномени на нецелосна усогласеност“, порача Дендиас.