Кога жената ќе забремени, се и сешто и поминува низ глава – што е добро за детето, а што не е? Така и се наметнува прашањето: Дали може моето дете да добие дијабетес од премногу слатки?

Ако мајката внесува големи количини на слатки за време на бременоста ќе се здебели и може да и се развие труднички дијабетес. Како последица на тоа детето се раѓа преголемо и претешко, може да има потешкотии во понатамошното развивање, но НЕ и дијабетес.

Постојат два типа на дијабетес, тип 1 и тип 2. Првиот е важен исклучиво за деца, додека вториот е поврзан со здебелувањето. Често се појавува подоцна во животот, но се почесто има заболени и меѓу помладата популација.

Дијабетес тип 1 е болест на човечкиот организам, која ги уништува ќелиите одговорни за лачење инсулин, а инсулинот е неопходен за одржување на нормалната концентрација на шеќер во крвта

Големата количина на благо кај децата не може да влијае врз развој на дијабетес тип 1.

Големата количина на шеќери не се здрави и можат да доведат до хипергликемија (зголемена концентрација на шеќер во крвта), зголемена концентрација на шеќер во урината, зачестено мокрење, чувство на жед и губење на телесната тежина, иако детето јаде редовно.

Голема количина на калории без активности, доведува до создавање на дијабетес тип 2. Овој тип, на почеток може да се регулира со здрава исхрана и таблети. Доколку пациентот не го почитува режимот на исхрана, тогаш најчесто се применува терапијата со инсулин.

Извор: enauka.mk

Shpërndaj me