ВМРО обвинува дека сопругот на Фросина Ременски изнесувал документи од МВР

Додека СДСМ на чело со Зоран Заев е на власт, правото и правната држава нема да постојат, обвинуваат од ВМРО- ДПМНЕ. Нивната реакција се однесува на информацијата дека во домот на пратеничката на СДСМ, Фросина Ременски, полицијата пронашла класифицирани документи. Според нив, сопругот на Фросина Ременски, Јовче Ременски ги изнесувал овие документи споротивно сите закони и процедури.

„Зошто му се на Јовче Ременски имињата на сите инволвирани полициски службеници, сведоци, докази и соработници во случаите Монструм и Диво Насеље? Дали уценувал или планирал да уценува некого? Дали се заканувал или нудел заштита на осомничени и инволвирани лица? Ова се сериозни прашања кои се наметнуваат откако вчера јавноста се вознемири со информацијата дека соработникот на Зоран Заев, Јовче Ременски, висок функционер во УБК, а сега АНБ, изнесувал класифицирани информации, списи и докази и ги чувал во сопствениот дом, спротивно на сите закони и процедури“, рече Ѓорѓиевски- ВМРО- ДПМНЕ.