ВМРО-ДПМНЕ бара оставка од директорот на АХВ поради антраксот

ВМРО-ДПМНЕ бара оставка од директорот на Агенцијата за храна и ветеринарство, Зоран Атанасов, зашто, според нив, не реагирал на време за да се спречи ширењето на болеста  антракс. Таа беше регистрирана пред неколку дена во стадо овци во долно Строгомиште, Кичевско.

Од ВМРО обвинуваат дека процесот на вакцинација на овците започнал подоцна отколку што било потребно, па според нив, поради тоа дошло и до појава на болеста. Сепак, нови случаи на антракс не се регистрирани.

Ден претходно директорот на Агенцијата за храна и ветеринарство соопшти дека во 22 населени места во Македонија постои опасност од ширење на болеста од која може да се заразат и луѓето и тоа преку јадење на место од заразено животно или ако бактеријата продра во телото преку повреда на кожата.

Вјолца Алити