Се појави неверојатно видео како една жена свири на виолина за време на сопствената операција на мозокот. Невообичаената сцена се одвиваше додека хирурзите се надеваа дека ќе избегнат оштетување на делови од нејзиниот мозок при отстранување на туморот.

Во 2013 година, 53-годишната виолинистка Дагмар Тарнер, која ја свири виолината уште од 10 години, и беше дијагнозирана голема, бавно растечка глиома, откако претрпе напад за време на симфонија. Првичниот третман вклучуваше радиотерапија за да се забави прогресијата на туморот. Сепак, во есента 2019 година стана јасно дека ова било неуспешно бидејќи туморот растел и станувал поагресивен, па Дагмар се решила на радикална операција да го отстрани.

Како член на Симфонискиот оркестар на островот Вајт и разни хорски друштва, Дагмар многу сакаше да ја зачува својата координација за да не ја изгуби можноста да го свири инструментот што го сака. За жал, бидејќи нејзиниот тумор се наоѓал во десниот фронтален лобус, подрачјето на мозокот поврзано со деликатна контрола на левата рака, операцијата немаше да биде лесна.

За време на операцијата, тимот на Кинг ја избра постапката што се нарекува будна краниотомија. Со тоа што ја разбудија во тек на операцијата, хирурзите беа во можност да проценат каде можат безбедно да се сечат за да го отстранат нејзиниот тумор без да влијаат врз нејзината способност да се движи, зборува или свири виолина. Во зачудувачкото видео Дагмар може да се види како свири на инструментот додека се одвива операцијата, а неверојатната изведба се исплати, бидејќи хирурзите известија дека операцијата е успешна.

Извор: енаука.мк

Loading...

Shpërndaj me

Loading...