За денешниот ручек ви предлагаме да направите вкусни компири на ловечки начин, во бешамел сос, со павлака и пржена сланина.

Состојки

800 гр. компири

100 гр. сланина

1 чешне лук

40 гр. путер

2 лажици брашно

250 – 300 мл. млеко

100 гр. кисела павлака

малку копар

малку магдонос

сол и црн бибер

Подготовка

Чекор 1: Компирите излупете ги и сварете ги.

Чекор 2: Сланината ситно исецкајте ја и запржете ја на путерот заедно со лукчето. Извадете ја од садот и тргнете ја на страна.

Чекор 3: Во маснотијата во која се пржеше сланината додадете го брашното, пропржете го кратко и додадете го млекото. Мешајте постојано за да не се направат грутчиња во бешамел сосот. Додадете ја павлаката, малку магдонос и зачинете со сол, бибер и малку копар по вкус.

Чекор 4: Компирите измешајте ги со сосот и наросете пржена сланина. Сервирајте.

СОВЕТ: Наместо со млеко, сосот може да го подготвите со бујон, за да добиете поинаков вид на сос.

 

 

Loading...

Shpërndaj me

Loading...