Mesi shpëton Argjentinën në kohën shtesë

Argjentina ka barazuar në fund të takimit duke i shpëtuar humbjes me Uruguain. Dy herë ka kaluar në avantazh skuadra e Tabarezit, po në fund rezultati ka qenë 2-2. Ishte Edinson Kavani ai që ka shënuar golin e avantazhit për vendasit pas asistit të bukur të Luis Suarez. Një bashkëpunim i bukur mes dy sulmuesve që kanë vite që luajnë bashkë. Pas pushimit ishte Serhio Aguero, ai që shënoi golin e barazimit të përkohshëm, pasi ishte asistuar nga Messi. Në fushë ndodhi edhe një zënkë mes Messit dhe Kavanit. Si gjithmonë gjakrat ishin të nxehtë, siç ndodh zakonisht kur dy skuadrat janë nga Amerika Latine. Megjithatë, Suarez ka shënuar vetëm pak minuta më pas duke rikthyer avantazhin për dy herë kampionët e botës. Kur dukej sikur ndeshja do të përfundonte me fitoren e uruguaianëve, Messi ka barazuar rezultatin me penalltinë e saktë në kohën shtesë.