Një javë më parë, të martën e kaluar më 9 prill një supergrabitje ndodhi në aeroportin e Rinasit më Shqipëri ku u vodhën rreth 10 milionë euro.

Gjatë largimit të autorëve, nga shkëmbimi i zjarrit me policinë, mbeti i vrarë një prej të dyshuarve, Admir Murataj, i cili rezultonte i shpallur në kërkim po për grabitje të tjera.

Vëllai i tij Ilir Murataj, i cili u paraqit me të kunatën në morg, për të bërë identifikimin e vëllait, u bë mjaft prezent në media, duke kërkuar zbardhjen e ngjarjes.

Ai e cilësoi të vëllanë si “vegël”, ndërkohë që kërkoi që të gjenden “shokët” që sipas tij e hodhën në rrugë.

Por mbrëmjen e kësaj të hëne, Ilir Murataj ka bërë një postim në rrjetet sociale, ku tregon se kush ishte Admir Murataj.

Kush ishte Admir Murataj?

Është titull që do e gjeni kudo, në artikuj të shkruar nga gazetarë të cilët me mënyrat e tyre përpiqen ti japin përgjigje dhe të analizojn admir murataj, ilir murataj

karakterin, mendjen, jetën dhe vdekjen e tij. Dhe është pikërisht në përpjekje për të përballuar këtë të fundit që edhe unë mundohem ti tregoj të gjithëve se kush ishte Adi.

Përmes gjithë lotëve dhe luftës me veten për të arritur ta pranoj realitetin dhe atë çfarë ndodhi, për një gjë jam i gëzuar. Jam një ndër pak persona që arriti ta njihte vërtët, që mund të them me gjithë zemër se sa bir, baba, vëlla, xhaxha, dajë dhe mik i mrekullueshëm ishte për të gjithë. Dhe kështu do e kujtojmë gjithmonë veshur me një bluzë polo, një kapele sportive dhe Fredin që i shkonte nga mbrapa, nuk mendoj se ka pasur ditë qe e kam parë pa një buzëqeshje në fytyrë dhe gjithmonë me dashuri pa kushte për çdo person të zemrës.

Për mua do të mbetet pjesë e historisë, ashtu siç shkruhen artikuj, një ditë familjes tonë mund ti vijë një kërkesë për libër, film apo dokumentar por nuk ka fjalë, foto apo video që ta pëershkruaj ashtu siç duhet imazhin e tij. Mesa duket misteri do mbetet mes familjes Murataj, që gjithmonë do e kujtojmë dhe thellë thellë nuk do ta pranojmë atë qe ndodhi, duke menduar se e gjithë kjo nuk ishte e vërtetë dhe ndoshta mendja e tij ka menduar një fund tjetër. Për mua… pavarësisht realitetit, ai do jetë gjithmonë aty, duke ardhur drejt meje me atë të ecurën që mund ta dalloja shumë metra larg apo duke pritur ta takoj që të më thotë prap “zemra xhaxhit”.

Gjithçka më mbetet të them është kjo: Një ndër momentet më të vështira në jetë është kur e kupton se nuk mund t’ia tregosh me dashurinë dhe respektin dikujt dhe të bën të duash te kthehesh pas në kohë, prandaj gjithçka mund të them është përqafoni ata që keni afër dhe bëjini një telefonatë atyre që ndodhen larg.

“Kush është Admir Murataj” e mori një përgjigje, tani më mbetet t’iu tregoj ku është… gjithmonë në zemrat tona, gjithmonë pranë nesh, dhe pranë nënës së tij.

Nëse dikush më pyet për të, do ia ngre emrin sa më lartë, dhe prapë nuk do të ishte mjaftueshëm. Fati im që ndajmë të njëjtat iniciale.

Loading...

Shpërndaj me