Çedomir Janevski nuk është më trajner i skuadrës së Vardarit. Ndrrimi në postin e trajnerit të kuqezinjëve erdhi pas barazim 1-1 me FC Shkupin, si pasojë e rezultateve të dobëta në kohët e fundit. Në vend të Janevskit , deri në fund të sezonit, në stolin e trajnerit do të qëndrojë Boban Babunski, i cili do të ketë një test të vështirë, kur të mërkurën përballet me Shkëndijën. Ndryshe Janevski erdhi në pankinën e Vardarit në prag të përballjes me Fenerbahçen, ku gjeti recetën e suksesit historik. Mirëpo në vazhdim, pasuan rezultate e dobëta në kampionat dhe Kupën e Maqedonisë, pas së cilës Vardari do të mbetet pa asnjë trofe. Pjesë të fajit do të bartin edhe drejtuesit e klubit, të cilët kishin disa vendime të çuditshme, mes të cilëve edhe urdhëri për të luajtur me futbollist të rinj ndaj Sileksit dhe Shkëndijës në Kupën e Maqedonisë. Ndryshe Babunski ka filluar karrierën te Vardari, ndërsa kjo është hera e parë që do të drejtojë skuadrën kuqezi në rolin e trajnerit.

Shpërndaj me