Interi gati ofertën 70 mln euroshe për Lukakun

Drejtori sportiv i Interit, Piero Ausilio ka udhëtuar drejt Londër të mërkurën pasdite, teksa më vonë është takuar me Ed Vudvardin, presidentin e Mançester Junajtedit. Palët kanë diskutuar të gjitha shanset për kalimin e Romelu Lukaku në Milano dhe Interi ka paraqitur ofertën e tyre të parë zyrtare tek klubi anglez. Plot 70 milionë euro ka vënë në tavolinë Ausilio e përcaktuar sipas kësaj formule: 10 milionë në dorë dhe dy këste të tjera me nga 30 milionë përgjatë tre viteve të ardhshme. Fillimisht 10 milionë do të jenë për huazimin e sulmuesit belg për një sezon, teksa në fund të sezonit të parë Inter do të paguajë njërin këst për detyrim blerje të lojtarit. Tani duhet pritur reagimi i “Djajve të Kuq”, sepse është folur shumë se kërkojnë të paktën 90 milionë euro për lojtarin e tyre.