Finlandë, social-demokratët fitojnë zgjedhjet kundër pupulistëve

Social-demokratët u shpallën dje fitues të zgjedhjeve parlamentare në Finlandë, 20 vite pas fitores së tyre të fundit, me një avancim të lehtë ndaj partisë së ekstremit të djathtë ”Finlandezët e vërtetë”.

Partia e drejtuar nga ish-ministri i Financave, Antti Rinne, fitoi 40 vende nga 200 në Parlament, ndërsa ”Finlandezët e vërtetë” 39 vende, sipas rezultateve përfundimtare.

Socila-demokratët vulosën rikthimin e tyre duke u pozicionuar në vijën e parë të skenës politike, katër vite pas humbjen në legjislativet e 2015 ku partia e tyre u rendit e katërta.

‘’Për herë të parë që nga viti 1999, social-demokratët janë partia e kryeministrit’’, deklaroi Rinne përpara përkrahësve.

Partia për herë të fundit fitoi zgjedhjet legjislative në 1999. Paavo Lipponen drejtoi në atë periudhë një koalicion e majtë-e djathtë, deri në 2003.