FC Shkupi , fitorja e parë në raundin kryesor në Champions

FC Shkupi shënoi fitoren e parë në raundin kryesor të Ligës së Kampionëve , duke mundur skuadrën e Omonia-s me 7-4. Pas disfatës nga Leo, në sfidën e parë me 2-7, kampioni I Maqedonisë ishte në nivel tjetër në përbaljen me kampionin e Qipros, për të arkëtuar 3 pikët e parë në turneun në Makarska të Kroacisë. Seferi, Levevski dhe Alili shënuan golat në pjesën e pare që u mbyll me rezultat 3-2, ndërsa në vazhdim, epërsinë e Shkupit e ngriti Levevski për 4-2. Mirëpo Omonia u kthye në lojë dhe shënoi dy herë për të barazuar rezultatin në 4-4. Në skenë doli Rexhepi para se të shënojnë Seferi dhe Dimovski për rezultatin final 7-4. Në raundin e tretë, më 11 tetor, në orën 20.00, FC Shkupi takohet me skuadrën kroate të Novo Vreme.