Arbitri dhuron kartonat e ndeshjes për tifozin e zjarrtë

Arbitri kryesor shpeshherë ndodh të jetë në qendër të vëmendjes për shkak të vendimeve në ndeshje ose gabimeve që i bën. Por një gjë e kundërt ka ndodhur në përballjen me Boka Juniors dhe Uilsterman, të cilën Boka e fitoi me 4-0. Arbitri i sfidës, peruani Diego Haro, ka tërhequr vëmendjen e shtypit sportiv për gjestin e bërë në përfundim të takimit. Arbitri siç ka bërë të ditur “Ole”, i ka dhuruar tifozit të ri argjentinas, Matias, kartonët e përdorur gjatë ndeshjes. Matias luan tek ekipi i moshave të Boca-s dhe, përveçse ka parë skuadrën e tij të triumfojë, ka mundur të festojë duke marrë në shtëpi dhuratën e veçantë të arbitrit.