Angelovski: Debutuesit shfrytëzuan maksimalisht rastin e tyre

Përfaqësuesja e Maqedonisë përjetoi disfatë ndaj Austrisë 1-2 dhe kaloi në vendin e katërt në Grupin G. Trajneri i Maqedonisë, Igor Angellovski, pas ndeshjes potencoi se Maqedonia ishte më e mrë në pjesën e dytë se sa në të parën.

“Zhvilluam një ndeshje kualitative. Austria dominoi në pjesën e parë, ndërsa ne lejuam që të pranojmë gol, i cili në asnjë rast nuk duhej të lejonim. Në pjesën e dytë u liruam nga presioni ishim më të mirë se kundërshtari dhe pastaj krijuam edhe disa raste për të shënuar gol,” tha mes tjerash Angelovski.

Sulmuesi Vlatko Stojanovski shënoi gol dhe arsyetoi besimin e Angelovskit, i cili potencoi se është një perudhë e vështirë për Maqedoninë që është goditur nga lëndimet dhe mungesat.

“Stojanovski shfrytëzoi rastin, të cilët e fitoi dhe kjo ishte edhe rasti edhe më debutuesit e tjerë, të cilët dhanë maksimumin” shtoi Angelovski.

 

Pastaj Angelovski foli për kualifikimin në vendin e tretë në këto eliminatoret dhe mundësia e inkuadrimit të Goran Pandevit në këtë përballje.

“Vendi i tretë ishte ajo që kërkonim, por futbollistët nga ajo që treguan në këto eliminatore , do të jetë me të vërtetë shumë keq nëse nuk ndalemi në pozitën e tretë. Duhet të zhvillojmë edhe një ndeshje të fortë ndaj Izraelit dhe të shënojmë fitore. Shpresojë se kjo periudhë e keqe me lëndime do të përfundojë, pasi që sot u lënduan edhe Trajkovski, por edhe Mladenovski. Ndërkohë sa i përket Pandevit, rekomandimi ishte që të ai duhet të pushojë, pasi që situata e tij mundej që të përkeqësohej. Nuk kishte arsye që të rrezikojmë. Të gjithë ata që morrën rastin në këtë përballje, me sukses e kryen detyrën e tyre,” tha mes tjerash Angelovski.

Tani pason përballje me Izraelin, në të cilin Maqedonia, me fitoren në Shkup, dhe në rast se Polonia mund Slloveninë, atëherë mund të shpresojë në përfundim pozitiv, ose vendin e tretë në Grupin G të eliminatoreve për EURO 2020.