Prej disa kohësh, modelja shqiptare Angela Martini nuk ishte parë në shoqërinë e bashkëshortit rumun, Dragos Scavulescu dhe në media po aludohej për një ndarje të çiftit.

Mirëpo, siç u bë me dije, Scavulescu ishte prej një viti në arrati për shkak të problemeve me drejtësinë dhe vetëm pak javë më parë iu dorëzua autoriteteve italiane.

Lidhur me këtë ngjarje në mediat shqiptare kanë qarkulluar shumë lajme, që sipas modeles nuk janë të vërtetë. Për herë të parë, Angela ka folur në një intervistë për “RevistaWho.com” dhe thotë të vërtetën e ngjarjes.

Ajo thotë se bashkëshorti i saj thuajse e ka zgjidhur çështjen dhe është plotësisht i pafajshëm. Sipas saj fajin e ka shteti rumun, i cili ka ligje që sulmojnë bizneset. Angela thotë se çdo armik i interesave të tyre gjykohet dhe dënohet

“Do ta sqaroj edhe njëherë gjithçka lidhur me këtë histori:

Bashkëshorti im është viktimë e sistemit gjyqësor rumun. Ai është totalisht i pafajshëm, ai nuk ka bërë asgjë nga ato që e akuzojnë, ata kanë abuzuar shumë, nuk e kanë respektuar ligjin rumun dhe të drejtat njerëzore europiane. Është një situatë e çuditshme për një vend anëtar të Bashkimit Europian, siç është Rumania. Atje Shërbimi Sekret ka krijuar një linjë paralele që kryesisht kontrollon ilegalisht të gjitha pikat e rëndësishme të vendit: politikën, drejtësinë, shtypin dhe shumicën e bizneseve. Çdo armik i interesave të tyre gjykohet dhe dënohet. Ata përdorin shtypin për të shkatërruar imazhin e njerëzve dhe urdhërojnë gjyqtarët të dënojnë armiqtë e tyre. 80% e biznesmenëve më të rëndësishëm rumunë janë nën hetim, në emër të “luftës kundër korrupsionit”, ka thënë ajo

“Për ta bërë më të qartë në pak fjalë: bashkëshorti im është një njeri i lirë, ai kurrë nuk ka qenë dhe nuk do të jetë në burg! Ai iu dorëzua autoriteteve italiane, sepse në këtë mënyrë ai iu bind ligjit dhe po zgjidh problemin e tij. Pasi kontrolluan dosjen dhe situatën e tij ligjore, gjyqtarët italianë e lanë të lirë. Ka akoma disa çështje pezull në Itali, Rumani, Shtetet e Bashkuara dhe Gjykatën Europiane për të Drejtat e Njeriut, të cilat definitivisht do të zgjidhin situatën e tij. Lajmet që shtypi shqiptar kopjoi nga shtypi rumun janë lajme të rreme. Mos më humbni kohë të komentoj për to”, tregoi modelja me detaje.

Më pas ajo ka treguar se kjo situatë e vështirë e ka bërë më të fortë marrëdhënien e tyre. Ata kanë kaluar shumë sfida dhe më në fund kuptuan se janë bërë për njëri-tjetrin për kanë krijuar më shumë besim.

Loading...

Shpërndaj me

Loading...