Mbrëmjen e kësaj të premteje, “Air Albania” do të kryejë fluturimin e parë zyrtar nga Tirana për në Stamboll. Në faqen zyrtare të Aeroportit të Rinasit, në orarin e nisjeve është listuar fluturimi me numrin “ZB 1003” që është dhe kodi ndërkombëtar i “Air Albania.

Nisja e fluturimeve ishte paralajmëruar edhe më parë nga Ministria e Infrastruktures, ndërkohë që nuk bëhen të ditura detaje të tjera.

Fluturimi është programuar në orën 20:55 dhe ka zëvendësuar orarin që më parë i përkiste “Turkish Arlines” në destinacionin e Stambollit.

Avioni i parë i “Air Albania” u regjistrua në Rinas pak ditë më parë dhe do të fluturojë në linjën Tiranë-Stamboll, ndërkohë që do të pasohet nga avionë të tjerë, që do të fluturojnë në Europë dhe veçanërisht tregun italian, ku është edhe fluksi më i madh.

Procesi i krijimit të “Air Albania” nisi rreth një vit më parë, kur shoqëria “Air Albania” bëri pranë qeverisë shqiptare kërkesën për krijimin e një kompanie flamurmbajtëse kombëtare.

Loading...

Shpërndaj me

Loading...