Më shumë se 7,18 milionë venezuelianë morën pjesë dje në referendumin simbolik të organizuar nga opozita kundër presidentit, Nicolas Maduro dhe projektit për Asamblenë kushtetuese, njoftuan rektorët e universiteteve, garante për organizimin, pas numërimit të 95 për qind të votave.

“Venezuela ka dërguar një mesazh të qartë për ekzekutivin kombëtar dhe botën”, deklaroi rektorja e Universitetit Qendror të Venezuelës, Cecilia Garcia Arocha duke shtuar se 6 492 381 persona kanë votuar në vend dhe 693 789 jashtë vendit.

Opozita kishte marrë iniciativën për zhvillimin e këtij referendumi simbolik dy javë më parë, me objektivin për të theksuar shumicën refuzuese të projektit për Asamblesë kushtetuese kërkuar nga presidenti Maduro, zgjedhja e të cilit është parashikuar më 30 korrik.

Koalicioni i opozitës “Tryeza e Bashkuar Demokratike” (MUD) kishte formuluar tre pyetje për zgjedhjet, të cilave iu përgjigjën pozitivisht 93,8 për qind e votuesve.

Shpërndaj me