Sulmuesi i kombëtares shqiptare Armando Sadiku, futet në histori si golashënuesi i katërt me më shumë gola të shënuar në fanellën kuqezi. Me dygolëshin ndaj turqve, sulmuesi nga Elbasani, kaloi dy legjenda të futbollit shqiptar si Sokol Kushta dhe Igli Tare, ndërsa barazoi Hamdi Salihin dhe Altin Rrakllin me nga 11 gola. Para sulmuesit 26-vjeçar, qëndrojnë Ervin Skela me 13 gola, Alban Bushi me 14 dhe Erjon Bogdani me 18 rrjeta, që është edhe golashënuesi më i mirë i kuqezinjve. Me ketë ritëm që ka nuk është çudi që brenda dy vitesh Sadiku të thyej çdo rekord dhe të hap një faqe të re për Kombëtaren. Ajo që bie në sy, është se Sadiku ka një mesatare të shkëlqyer golash në krahasim me sulmuesit e tjerë që janë në këtë klasifikim. Statistikën më të mirë e ka vetëm Qamil Teliti, i cili ka luajtur në vitet 1946–1952 dhe ka shënuar 6 gola në 13 ndeshje.

Shpërndaj me