Kryeministri i Malit të Zi, Dushko Markoviq, ka deklaruar se për Malin e Zi ka përfunduar çështja e demarkacionit me Kosovën , pasi këtë e kanë ratifikuar në Kuvend, por dua ta ndihmojnë Kosovën dhe do të gjejnë zgjidhjen më të mirë që edhe Kosova ta ratifikojë marrëveshjen.

Ai në konferencën me kryeministrin Haradinaj, ka thënë se kanë diskutuar edhe për çështjen e kufirit, e cila vazhdon të jetë e hapur dhe Mali i Zi dëshiron që si mik të ndihmojë Kosovën për ta zgjidhur këtë çështje.

“Pra kemi biseduar me qëllime me të mira si miq dhe do të gjejmë zgjidhjen më të mirë që marrëveshja të ratifikohet”, tha ai.

Kurse, kryeministri i Kosovës, Ramush Haradinaj tha se ekziston një vullnet që të gjendet një dalje dhe është shprehur i bindur se do të dal një zgjidhje./KosovaPress/

Shpërndaj me