Gaz rus për Maqedoninë dhe Kosovën

Gaz natyror prej Maqedonie për në Kosovë. Me ndërtimin eventual të një pjese të linjës të gazsjellësit, “Rrjedha Jugore” nëpër Maqedoni, ai mund të vazhdojë edhe drejtë Kosovës që të ketë qasje deri të ky energens i lirë edhe për kompanitë dhe amvisëritë e atjeshme. Këtë për Alsat-M e paralajmërojnë nga kabineti i presidentit Gjorgje Ivanov prej nga theksojnë se megjithatë, ajo që eventualisht do të ndërtohet përmes Maqedonisë dhe Kosovës, nuk do të jetë drejtimi kryesorë i gazsjellësit, por do të jetë një vetëm degë e saj.
“Rrjedha Jugore” është projekt që daton nga viti 2007 me të cilin do të shmangej Ukraina problematike për sjelljen e gazit rus deri në Itali dhe Evropën qendrore. Sistemi  kryesori i gypave duhet të kalojë nën Detin e Zi, Bullgari, Greqi, Serbi dhe Ukrainë. Ndërtimi parashikohet të përfundojë deri në vitin 2015. Kompania energjetike ruse Gasprom që është realizues kryesorë i punëve, në qershor të këtij viti u pajtua që Maqedonia të kyçet në këtë projekt, por ekspert të saj së pari duhet të vijnë dhe t’i kontrollojnë dhe analizojnë mundësitë teknike për ngjitjen e njërës degë në Maqedoni. Nga qeveria ardhjen e tyre e presin kah mesi i këtij muaji. Ndryshe, në Evropë veç më po ndërtohet projekti tjetër i Rusisë për livrimin e gazit drejt konsumatorëve të BE-së. Bëhet fjalë për “Rjedhën Veriore” e cili veçmë është në fazën e realizimit dhe  do t’i lidhë Rusinë dhe Gjermaninë, sërish duke shmangur Ukrainën. Alsat-M