Ekspertët: Gruevski ikë nga përgjegjësia

Nikolla Gruevski

Nga kritikat e ashpra dhe me notë një plus, deri në vlerësim solid me vërejtje të pakta. Këto janë vlerësimet e analistëve me të cilat bisedoi Alsat M, për llogaridhënien e kryeministrit Gruevski, të premten. Sipas profesorit Mersel Bilalli, kryeministri nuk ka folur për shtyllat e shtetit, por iu përkushtua çështjeve sekondare.”Ai foli për rrugicat, semaforët, çëshmet, borën, shiun e sdi për çka, por nuk foli për shtyllat kryesore që e mbajnë shtetin ato janë marrëdhëniet ndëretnike, proceset eurointegruese dhe zhvillimi ekonomik. Sa u përket marrëdhënieve ndëretnike ato pësuan detonim nga Shkupi 2014 dhe ajo është shumë transparente. Sa u përket proceseve eurointegruese, ato pësuan kollaps për shkak të manipulimit dhe provokimit të premierit, Greqisë”tha profesori universitar Mersel Bilali.Vlladimir Bozhinovski nga instituti për hulumtime politike, nuk pajtohet me vlerësimet e tilla. Ai vlerëson se kryeministri nuk i ka kushtuar vëmendje integrimeve euro atlantike për shkak se, në atë pjesë gjithçka është e qartë pasi të zgjidhet çështja e emrit me Greqinë, Maqedonia do të bëhet anëtare.“Ajo që është me rëndësi, është situata ekonomike. Respektivisht politikat ekonomike u trajtuan gjerësisht, ndoshta duhej t’i kushtohej më shumë vëmendje edhe çështjes së emrin sepse ato janë dy gjëra për të cilat qytetarët e Maqedonisë interesohen më së shumti kuptohet, çështja e emrin në kontekst të integrimeve tona euro atlantike” tha analisti Vlladimir Bozhinovski. Për emrin, Gruevski përsëriti të njëjtën; pritet ndërmjetësi Nimic, ndërsa për çdo zgjidhje eventuale do të prononcoheshin qytetarët në referendum. Për informata më të hollësishme për realizimin e Marrëveshjes së Ohrit, kryeministri u përgjigj se për këtë duhet t’i drejtoheni zv/kryeministri Abdylaqim Ademi, ndërsa për borxhin e shtetit ndaj ndërmarrjeve, tek ministri i financave Zoran Stavrevski. Frosina Cvetkovska