Përmbytja e poliklinikës, kompania kompenson dëmet

Ministri i shëndetësisë Bujar Osmani vizitoi sot poliklinikën “Jane Sandanski” në Shkup e cila ishte përmbytur nga shirat gjatë këtij vikendi pasi kompania e cila rinovonte kulmin e saj nuk ka siguruar që punët të kryhen pa probleme në raste të shiut. Dëme më të mëdha janë shkaktuar në repartin e gjinekologisë, stomatologjisë dhe  të mjekësisë së punës. Sipas ministrit Osmani koncesionerët do të kompenzojnë dëmin e shkaktuar ndërsa pacientët do të pranohen në spitalet e tjera të Shkupit.“ Që të kemi një vlerësim më të detajizuar të pranuar nga ana e koncesionerëve formuam një komision me përfaqësues edhe të koncesionerëve, pronarët e kabineteve të dëmtuara, përfaqësues të Ministrisë së Shëndetësisë dhe të fondit shëndetësor. E rëndësishme është të theksohet se asnjë nga koncesionerët nuk do të jetë i dëmtuar nga ky proces, shpresojmë se së shpejti këto kabinete do të hapen për pacientët dhe dëmi i shkaktuar do të kompensohet nga kompania që ka shkaktuar dëmin, kurse fondi për sigurim shëndetësor garantoj këtu se të gjitha ditet e humbura gjatë këtyre ditëve të rikonstruimit do të mbulohen nga fondi për sigurim shëndetësor” tha ministri i shëndetësisë Bujar Osmani.