Ministrat i referojnë presidentit

Ministrat në takim me presidentin Gjorge Ivanov

Një pjesë e ministrave të kabinetit Gruevski, po përgatisin presidentin për vizitën e tij të ardhshme në Bruksel, që do të realizohet më 9 shtator. Gjatë kësaj vizite e cila realizohet në prag të publikimit të raportit të Komisionit Evropian për Maqedoninë, Ivanov  do të takohet me personalitete të rëndësishme të BE-së. Ministri i drejtësisë , Manevski, ai i financave Stavrevski,  i punëve të jashtme Milloshoski dhe për euro-integrime Naumovski i referuan sot presidentit për reformat në gjyqësor, ekonomi, në administratë, si dhe harmonizimin e legjislaturës vendase me atë të BE-së.  “ Sot kishim një takim me presidentin e Republikës së Maqedonisë, zotin Gjorge Ivanov, në funksion të përgatitjes së vizitës së tij në Bruksel. Vizita e presidentit Ivanov në Bruksel vjen në një periudhë shumë të rëndësishme. Ai do të ketë takime me personalitete të rëndësishme në Bruksel,  me ç’rast do të ketë mundësinë që t’ua prezantoj rrjedhën e reformave në Maqedoni, në prag të raportit të KE-së që do të shpallet në fillim të nëntorit” u shpreh Vasko Naumovski,zv.kryeministër për eurointegrime. Naumovski u shpreh se Qeveria e Maqedonisë pret që raporti i Komisionit Europian që do të shpallet në fillim të nëntorit të jetë objektiv. “Qëllimi jonë primar është që të marim një raport objektiv gjatë këtij viti . Jemi të fokusuar në rrumbullakimin e të gjitha rekomandimeve që ishin të nënvizuara në raportin e vitit të kaluar, shpresojmë se Komisoni Evropian do të jap  një raport objektiv” tha Naumovski. Presidenti Ivanov do të organizoj takime edhe me ministrat e tjerë me qëllim që të njoftohet me rrjedhën e reformave të domosdoshme për afrimin e vendit drejt anëtarësimit të plotë në BE.  Javën që vjen në takimet me presidentin pritet të merë pjesë edhe zv.kryeministri përgjegjës për Marrëveshjen e Ohrit  Abdylaqim Ademi,  për ta njoftuar atë me rrjedhën e implementimit të këtij dokumenti.  Bedri Rexhallari