Në Zherovjan u pastrua deponia e egër

Komuna e Bogovinës më në fund ka larguar deponinë e egër e cila afër një dekade qëndronte në mes të fushës së këtij fshati, duke rrezikuar gjithnjë e më tepër shëndetin e banorëve. Derisa para ca ditësh në këtë vend nuk mundeshe që të qëndrohet asnjë sekondë nga era e keqe dhe mbeturinat që të rrethonin, tani e tutje banorët  e Zherovjanit do mund të frymojnë më lirshëm, kjo nga shkaku i largimit të mbeturinave apo deponisë së egër të krijuar në mes të fushave të këtij fshati nga Komuna e Bogovinës si pasojë e disa publikimeve që bëri televizioni kombëtarë ALSAT M. Banorët e fshatit janë falënderues, dhe kërkojnë nga autoritetet komunale që një gjendje të tillë mos ta përsërisin më.“Po falë juve falë mediave elektronike dhe  të shkruara frymojmë më lirshëm besojmë se kështu do vazhdojmë” shprehet një banor i fshatit Zherovjan.“Kemi dëgjuar që i kanë larguar i kanë rrafshuar se di se cka tani duket atmosfera më e mirë, ajri më i pastër tym nuk ka” tha një banor tjetër “Më lirshëm sigurisht është më i qetë ajri ambienti më i pastër” shtoi më tej një tjetër banor i fshatit Zherovjan. Nga deponia e egër që po qëndronte gjatë kohë në fshat, dhe sidomos nga tymi i zi që dilte  nga djegia e tyre,  kohë më parë, një fëmijë fitoi komplikime në organet e frymëmarrjes. Tani banorët e Zherovjanit duhet të shlyejnë borxhin që kanë ndaj ndërmarrjes komunale për pastrim, pas çka do fillojë edhe bartja e mbeturinave nga shtëpitë e fshatit.  Bashkim Sulejmani