Athina kërkon sqarim për deklaratën e Rikerit

Athina zyrtare ka kërkuar nga SHBA të shpjegojnë deklaratën e ambasadorit amerikan në Shkup Filip Riker, i cili para ca kohësh deklaroi se Uashingtoni vlerëson se është e mundur zgjidhje pa ndryshim të emrit kushtetues dhe kushtetutës, por vetëm të referencës ndërkombëtare. Zëdhënësi i ministrisë të jashtme greke Grigoris Dellavekuras sot në një takim me gazetarët në Athinë tha se deklaratat e tilla nuk ndihmojnë në arritjen e kompromisit, por dëmtojnë procesin. Paraprakisht deklarata e ambasadorit Riker në mediumet greke u komentua si rrënim të pozitave greke dhe mbështetje të qëndrimit të Shkupit. Dallavekuras shprehi bindjen se shefi alternativ i diplomacisë greke Dimitris Drucas në suazat e asamblesë së përgjithshme të KB në Nju Jork do të takohet me ndërmjetësin Metju Nimic.