Mbetet enigmë ribotimi i librit “Shoqëria”

Nëse do të ketë ose jo ri-botim të librit shkollor “Shoqëria”për klasat e pesta të mësimit nëntëvjeçar do të vendoset sonte në Ministrinë e arsimit pas takimit që ministri, Nikolla Todorov do të realizojë me ekipin e recensentëve. Todorov sot theksoi se do të shqyrtohen të gjitha mundësitë për tërheqjen e librit ose ndryshimin e një ose dy fletëve. Nëse bëhet fjalë për ndryshimin e disa fletëve atëherë dëmi do të ishte i vogël, por nëse ndodh që të ribotohet libri,  dëmi do të arrijë në 1 milionë denarë. Ministri Todorov gjithashtu tha se  sonte do të vendoset nëse do të  paguhen honoraret recenzentëve ose jo. Sipas tij, këta të fundit për punën e bërë duhej të marrin honorar prej 3 deri në 4 mijë denarë, ndërsa autorët 2 deri në 3 mijë euro së bashku. Lidhur me gabimet e shumta në librin “Shoqëria” ka reaguar edhe Lëvizja qytetare “Zgjohu” e konsideron se justifikimet e Todorovit dhe shmangja e përgjegjësisë janë të papranueshme. “ Zgjohu” vlerëson  se Todorov ka “përgjegjësi absolute për kaosin në sistemin arsimor në Maqedoni, për tensionin e marrëdhënieve ndëretnike, për cenimin e autonomisë së universiteteve shtetërore, për diskriminimin e skajshëm ndaj nxënësve shqiptarë, për imponimin e dështuar të gjuhës maqedonase dhe shumë të tjera”. Melihate Rustemi