Pllenohet liqeni i Ohrit me ngjala të reja

Me ngjalat e reja prej 15 deri 50 gram në disa lokacione në Ohër dhe Strugë u bë pllenimi i liqenit të Ohrit. Në aksionin e ndihmuar nga kompania ELEM, në liqe u hodhën 750 kilogram ngjala. Ngjala hyri në llojet e rrezikuara pasi u ndërtuan dy hidrocentralet Shpile dhe Glloboçicë me çka u pengua rruga e saj natyrore nga liqeni i Ohrit deri në detin e Sargasit.
“Ekspertizat treguan se është koha më optimale në liqe të lëshohen 700 kilogram ngjala të reja. Shpresojmë se me ndihmën e pllenimit artificial, do ta kthejmë ngjalën në ato sasi në të cilat ishte edhe më parë”, tha  VanÇo Dimitrievski, kryeshefi inspektoratit shtetëror të bujqësisë
Televizioni Alsat M i konsultoi ekspertët të cilët thonë se këto ngjala me të cilat tani po pllenohet liqeni as për së afërmi nuk janë më cilësinë e njëjtë sikurse ato që kalonin rrugën e gjatë 4800 kilometra për të arritur deri në detin e Sargasit. Sipas Llazo Naumovskit nga Enti hidro-biologjik, këto ngjala do të ishin edhe të fuqishme që të mund ti përballojnë të gjitha pengesat dhe ndryshimet klimatike.
“Ajo që tani po ndodh paraqet të keqen e detyrueshme për liqenin. Këto ngjala pas disa vitesh pasi do të piqen për nga gjinia, pas 6 ose 8 vitesh në orvatjen që ta braktisin liqenin do të përfundojnë në turbinat e hidrocentraleve gjë që paraqet një katastrofë të madhe ekologjike për liqenin. Ka një profesor i fakultetit të bujqësisë i cili ka projektin që parashikon të mundësohet rruga me të cilën ngjalat e reja nuk do të vinë në kontakt me turbinat dhe pa problem përmes Drinit të zi të dalin në Adriatik dhe prej atje në detin e Sargasit”, deklaroi Llazo Naumoski, ekolog. Drejtori i kompanisë ELEM Çingoski nuk pajtohet me pohimet e Naumovskit.
 “Kjo nuk është e saktë. Para se të arrijnë deri te turbinat duhet të kalohen barrierat përkatëse, ekzistojnë rrjeta të ndryshme kështu që ngjalat në atë moment kur do të arrijnë peshën adekuate, dashamirët e këtij mishi do të mund ti konsumojnë”, tha  Vllatko Çingoski, drejtor i ELEM-it.
Vlera e përgjithshme e ngjalave të reja është 2.5 milion denarë. Pllenimi i liqenit bëhet prej vitit 2007. bëhet fjalë për të ashtuquajturën ngjalë evropiane e cila ka prejardhje nga vend-pllenimet artificiale në Greqinë fqinje. Punonjësit turistik janë me idenë që të organizohet festivali i ngjalës dhe gara për Çorbën dhe specialitetin më të mirë të përgatitur. Qëllimi është që të mos harrohet ngjala sipas të cilës njihet shumë mirë ky rajon. Miki TRajkovski