Ivanov në Zvicër: Zgjidhja e imponuar për emrin, destabilizuese

Zgjidhjen e imponuara për emrin mund të shkaktojnë më shumë probleme në rajon. Kështu vlerësoi në Bern Presidenti i Maqedonisë, Gjorge Ivanov. Pas takimit me homologen e tij zvicerane Doris Lojthard, Ivanov tha se procesi i stabilizimit të rajonit është bllokuar për shkak të kontestit dypalësh midis Maqedonisë dhe Greqisë.
" Për atë ne harxhojmë shumë kohë, energji në këtë çështje për të arritur një zgjidhje që do të ishte e pranueshme nga të dyja palët, sepse në qoftë se do të ketë zgjidhje të imponuar, ajo do të krijonte edhe më shumë probleme, saqë në një mënyrë do ta stabilizonte gjendjen rajonale", u shpreh Ivanov.
Presidentja zvicerane, Lojthard nuk komentoi kontestin që po bllokon integrimin Euro-Atlantik të Maqedonisë. Ajo tha se Zvicra nuk komenton mosmarrëveshjet dypalëshe, por shprehu bindjen, se është e mundshme një zgjidhje.
"Na gëzon fakti se negociatat me Greqinë po intensifikohen dhe ndoshta këtu edhe kriza ekonomike ka diçka pozitive, gjegjësisht në kohë krize problemet tjera mbeten relative ashtu që ndoshta do të arrihet përparim në fushën e negociatave", tha Doris-Lojthard, presidente e Zvicrës.
Lojthard konsideron se zvarritja e negociatave aderuese mes Maqedonisë dhe Bashkimit Evropian do të ndikojë negativisht për qytetarët e Maqedonisë. Të dy presidentët ranë dakord për rritjen e bashkëpunimit në fushën e mjedisit, furnizimin me ujë dhe bashkëpunimin policor.

Frosina Cvetkovska