Gruevski: Bëjmë ç'mos për të zgjidhur çështjen e emrit

Lidhur me vërejtjet e ambasadorit të BE-së Ervan Fuere, që në proceset euro-integruese ka ngecje dhe se ekziston pasiguri për të ardhmen e vendit, Kryeministri Gruevski sot doli me përgjigje të shkurtër. Ai thotë se qeveria po ven çdo gjë të mundur, në drejtim të zbatimit të reformave dhe se në këtë mënyrë do të vazhdojë edhe më tej. Kryeministri iu përgjigj edhe vërejtjeve të krerëve të LSDM-së dhe BDI-së, se dështimi për të zgjidhur çështjen e emrit me Greqinë mund ta ngrijë në afat më të gjatë, perspektivën euro-atlantike të Maqedonisë.
"Ne punojmë që në afat të shkurtër t’a zgjidhim çështjen e emrit. Bëjmë gjithçka të mundur, po japim maksimumin tonë, kuptohet duke i mbrojtur interesat e tjera shtetërore dhe kombëtare të Republikës së Maqedonisë.", theksoi kryeministri Gruevski. Alsat-M