Anketë, shqiptarët pesimistë për ‘ndëretnicitetin’

Projekti Shkupi 2014 nuk gëzon mbështetjen nga numri më i madh i qytetarëve të Maqedonisë, dhe i njëjti sipas tyre është gjenerator i përkeqësimit të marrëdhënieve ndëretnike në vend. 58 për qind nga të anketuarit janë shprehur se nuk e mbështesin fare këtë projekt  derisa 39 për qind janë deklaruar se e mbështesin. Marrëdhëniet ndëretnike dhe projekti “Shkupi 2014” ishin temat e anketës të cilën me kërkesë të gazetës së përditshme “Dnevnik” e ka realizuar Agjencia Rejting.
Në pyetjen, në rast se ndërtohet kisha, a duhet të ndërtohet edhe Xhamia Burmali? Me Po janë përgjigjur 34 për qind, me JO gjithashtu 34 për qind. Për të njëjtën pyetje 15 për qind e maqedonasve të anketuar janë shprehur se duhet të ndërtohet edhe Xhamia Burmali, ndërsa numri i shqiptarëve arrin në 88 për qind.  Ndërkaq se nuk duhet të ndërtohet kjo xhami në Sheshin e Shkupit janë shprehur 47 për qind e maqedonasve dhe 0 për qind e shqiptarëve. /alsat-m/