Sërish do të aplikohet testimi i jashtëm i nxënësve

Nga viti i ardhshëm shkollor 2010–2011 sërish do të fillojë të aplikohet testimi i jashtëm tek nxënësit e shkollave fillore dhe të mesme. Kjo parashikohet me ndryshimet e reja në Ligjin për arsim fillor dhe të mesëm.
Nxënësit do t’u nënshtrohen testimeve në 4 lëndë, pra jo siç ishte deri më tani në 2 lëndë. Testimi do të realizohet në fund të vitit. Ata do të testohen në gjysmë vjetor ose më së voni në fund të muajit shkurt. Notat, sipas ministrit të Arsimit, do të shënohen në dëftesa dhe do të luajnë rol në regjistrimin e nxënësve në shkolla të mesme apo fakultet.
“Nuk do të ketë ndikim në notën e tyre përfundimtare, megjithatë do të merren parasysh dhe do të jenë njëri ndër kriteret në procesin e regjistrimin të nxënësve në shkallën më të lartë të arsimimit”, u shpreh ministri i Arsimit, Nikolla Todorov. /alsat-m/