Honoraristët nuk i besojnë premtimeve të Stavrevskit

Punëtorët honorar të cilët me vite punojnë në institucionet shtetërore nuk besojnë se do të punësohen sikurse që paralajmëroi kohë më parë ministri i financave Zoran Stavrevski. Sot nga kjo ministri nuk saktësojnë se për çfarë numri të njerëzve bëhet fjalë e as që a do të përfshihen vetëm ata që punojnë me kontratë ose janë të angazhuar përmes agjencive për punësime të përkohshme. Paralajmërimet e këtilla nuk i kanë të qarta as vetë punëtorët me honorar. Të punësuarit në çerdhen ‘ Majski Cvet’ në komunën Karposh të cilët tash më dy jave janë hedhur në grevë, thonë se do të besojnë në qëllimet e ministrit vetëm pasi të punësohen. Ata thonë se erdhën në vendet e punës në vend të njerëzve që shkuan në pension. Kurse prej tyre i kanë marrë përgjegjësitë por jo edhe të drejtat.
‘Tash më pesë vjet po punoj me kontratë. Marr 8 mijë denar në muaj. çdo muaj deri më tash e firmosnim kontratën, por prej vitit të ri e deri më tash nuk kemi firmosur kurrfarë dokumenti. Përkujdesem për fëmijët e moshës 4 -5 vjeçe, kurse çerdhja është e hapur prej orës 6 të mëngjesit e deri në orën 6 të mbrëmjes’, thotë Danica Spasova, edukatore në çerdhen ‘Majski Cvet’ Shkup.
Sipas financave punësimi i punëtorëve honorar të cilët me vite punojnë në institucionet shtetërore, nuk do ta ngarkoj buxhetin pasi deri në mbarim të vitit vetëm do të transformohet marrëdhënia e tyre e punës. ndërkaq nga agjencitë e punësimit pohojnë se paralajmërimet e ministrit nuk do të prekin punën e tyre, pasi nuk i ka përfshirë personat që ata i angazhojnë.
Rade Nenadiq, kryetar i asociacionit të agjencive për punësime të përkohshme, thekson:
“Çdo i punësuar përmes agjencisë për punësime të përkohshme i ka të drejtat dhe detyrimet e njëjta sikurse një i punësuar i rregullt. Kanë të drejtë pensionale, shëndetësore, pastaj të drejtë për shtesa, për pushim vjetor e kështu me radhë. Në Maqedoni ka gjithsej 27 agjenci të regjistruara për punësime të përkohshme dhe të gjitha së bashku në bazë mujore nuk angazhojnë as 10 mijë persona”. 
Ekonomistët po orvaten që tërësisht ti komentojnë paralajmërimet e ministrit Stavrevski për shkak të arsyes së njëjtë. Thonë se askush publikisht nuk e tregon shifrën e përgjithshme të të punësuarve me honorar dhe përkohësisht në administratën publike. Megjithatë në më shumë raporte të ndara për punën e disa ministrive, enti shtetëror i revizionit konstatoi se për punësimet e përkohshme shpenzohen më shumë para se sa kur ata të ishin të punësuar tërësisht. 

Jane Dimevski