LSDM dhe VMRO-DPMNE kundërshtohen për duelin televiziv

LSDM-ja edhe një herë e ka përsëritur kërkesën e saj për një duel televiziv mes kryeministrin Nikolla Gruevski dhe Branko Cërvenkovskit. Deputeti i LSDM-së, publikisht e pyeti Gruevskin se cila është arsyeja që ai në vazhdimësi refuzon kërkesën për të dhënë publikisht llogari për punën e bërë. Nga VMRO DPMNE kërkesën e LSDM-së e cilësojnë si sjellje ofenduese. 
“Gruevski, opinioni plot 10 vjet po pret një duel televiziv me ndonjë politikan. Nëse shprehemi me gjuhën e ekonomistëve, 10 vjet janë një grejs periudhë e volitshme. Ka ardhur koha që ju ta paguani kredinë, e cila për fatin tuaj të keq, është gjithnjë e më e madhe. Në të kaluarën, iknit nga Buçkovski, Sheqerinska dhe Zaev ndërsa nuk patët guxim të ballafaqoheshit as me ata tuajt, Lubçon dhe Luben”, u shpreh Jani Makraduli, deputet i LSDM-së.
“Kolegët nga LSDM vetëm le të vazhdojnë kështu me ofendime. Por e kanë patjetër ta kuptojnë se për shkak të sjelljes së këtillë dhe arrogancës që manifestojnë edhe pas një viti nga kthimi i Branko Cërvenkovskit në krye të LSDM-së, besueshmëria e tyre tek qytetarët nuk është rritur aspak”, deklaroi Marija Andovoska, deputete e VMRO DPMNE-së.

Jane Dimevski