Fuere: Orientimi seksual duhet të mbrohet me ligj

Në Ligjin për mbrojtje nga diskriminimi i cili tashmë është në procedurë kuvendore midis bazave për diskriminimin duhet të gjendet edhe orientimi seksual, deklaroi ambasadori I BE-së, Ervan Fuere. Ai kritikoi deklaratën e djeshme të deputetit të VMRO DPMNE-së Jovan Gilev, i cili tha se homoseksualiteti është sëmundje. Zëvendëskryeministri për integrime evropiane, Vasko Naumovski konsideron se teksti i përmirësuar i ligjit do ti kënaq të gjitha kriteret e nevojshme.“Më duhet të shpreh keqardhjen e thellë për gjuhën që e dëgjuam dje nga anëtari i partisë në pushtet. Ky është debati që duhet të promovojë tolerancë dhe respekt, e jo mosdurim, sikurse që dëgjuam dje”, tha Ervan Fuere, ambasador i Bashkimit Europian. “Në pjesën ku përmenden bazat e diskriminimit është përmendur edhe një dispozitë e cila thotë : “cilado bazë tjetër e diskriminimit”. Konsiderojmë se nëse dikush në shtet ndihet i diskriminuar mund të kërkoj mbrojtje në bazë të kësaj dispozite”, deklaroi Vasko Naumovski, zëvendëskryeministër. /alsat-m/